Jale Hak Lurus

Nerako

Jale ke Syorga



	Jale hok lurus Assalamualaikum warahmatullahi wa barakatuh
Dua ratus pat puluh pat orghe jate, tino beserta dengan budak-budak pado haribule 26 September 1997 berlepas gi dari Jakarta gi ke Medan dengan kapal terbe Air Bus 300 nombo penerbangan GA 152. Tak dok sore pun dale ramai-ramai tu hok jangka yang dia nak mati tok lamo lepas gi dari Bandaraya Sukamo Hatta pado pukul 13:55. Kapal terbe tu jatuh sekeping-keping dekat Sibolanggit, dale kecelakoan tu, semua orghe mati. Di seluruh dunio ni, ramai orghe mati sebab kejadian serupa ni, ado hok mati sebab bencano alam hok mari dengan tibo-tibo seperti gempa bumi, ribut taufan, kapal tengelam, berlanggar dan banyok lagi. Tiap-tiap hari ado je orghe hok mati, malah tiko ni pun, tiko anda dok baca buku ni pun ado orghe hok tengah ngadap sakaratul maut, tok kira hok kena kecelakoan, nyakit dan banyok lagi. Banyok orghe dok cuba nok hidup panje dengan bersuke, ambik makane hok rendah lemak, bergheti hisap rokok, make makane hok berzat-zat sebab nok jago kesihate, ambik vitamin dan mace-mace lagi. Lahmano pun, kito ni tok leh nok sekat kenyatoan, walaupun kito wat mace-mace dengan bersuke, ambik makane berzat, rendah kolesterol, tapi satu hari nanti kito ake mati jugak. Banyak orghe hok wat tak tahu seolah-olah kito ni tak ake mati, metelah lah lagi bila segalanyo berjale dengan baik-baik belako. Tak dok kure satu pun, ekonomi tengoh kukuh, keadoan tengoh baik, tiko perut juga tengoh kenye, tok terpikir samo sekali nok mati. Hok kenyatoannya, kematian ni adalah satu benda hok tok leh nok lari oleh sapo-sapo pun dale dunio ni. Banyok orghe dok ingat bahwa kematian ni hanyolah untuk orghe- orghe tua sajo, tapi hok sebenarnya, kematian tu tok tengok umur, serupa dengan matahari jatuh lek jatuh tiko ngorib. Serupa tu jugaklah kematian pado manusia atas dunio ni, tok kiralah dia ado kuasa ke, pangkat ke, pandai ke, kayo atau sesak, bodoh atau hina ke. Mati ni samo je dengan semua orghe atas dunio ni. Dale hidup manusia ditentukan hanyo sekali sajo mati dan lepas tu kito semua ake dihakimi. Kito semua keno bersiap sedio dan jugak keno berhati-hati untuk nok ngadap hari mati, lepas tu keno pulak bertanggungjawab atas segalo hok kito lakukan selamo kito hidup atas dunio ni kepado Tok Hakim yang Agung hok ado kuasa nak masukkan kito ke dale Syorga ataupun nok sumbat kito ke dale nerako.
		Dunio Ini Hanyolah Sementaro Apakah erti hidup kito ini?
Hidup kito ni serupa dengan wap hok sebentar sajo ado, lepas tu tak dok. Serupa tu jugak dengan orghe ni. Sia-sia belako.



Ramai orghe ingat nok hidup atas dunio ni sajo, tiap-tiap hari sibuk dengan wak kerjo, sibuk dale kesenangan dunio hingga ke lupa diri yang satu hari nanti ake tamat dan orghe tu ake gi kelik ke khaliq dia. Hidup ni juga penuh dengan kesedihan dan jugak air mata. Sedihnya kito hok atas dunio ni jauh lebih banyok daripada senang hok kito buleh. Iblis sokmo nok suruh kito rasa segalo kesenangan hok atas dunio ni dengan sepuas hati kito dan juga wak dosa sebanyok mano hok buleh, lepas tu jadilah mu penghuni nerako buat selamo-lamonya. Tapi Tuhan beri petunjuk, ajaran dan jale untuk kito bawak diri kito sebab hidup hok sebenarnya bukanlah atas dunio yang fana ni, melainkan di Syorga jugak hok kekal selamo-lamonya. Oleh sebab tu berwaspadolah selalu supaya kito semua jangan dok hanyut dale dosa dan hiburan dunio yang fana ni, tapi ikutlah ajaran dan jugak jale Tuhan supaya kito buleh hidup. Di akhirat esok ado dua tempat hok roh kito nok gi yaitu Syorga dan juga nerako. Bilo roh seseorang tu keno masuk salah satu tempat tu, mako dia tok leh nok tubit atau nok tukar tempat dengan tempat hok so lagi melainkan kekal sokmo situ. Hokmanokohkito nok pilih?
		Syorga
Tempat hok paling sedap dok berehat dan hok paling lawa, dan juga tempat duduk hok paling molek sekali dalam taman-taman hok teduh, hok mano ada kesabaran, kehormatan, dan juga salam. Suci dari segalo dosa, dibui keselamatan dengan bersene- lone dan segalo puji ke Allah hok habiskan segalo dukacita kito selamo-lamonya. Sekalipun kito duduk nok baye kaadoannyo, tapi pikiran kito tok leh nok baye betapo lawanyo tempat Syorga tu. Orang-orang hok bertaqwa dan hok turut ajaran-ajaran serta juga jale hok Tuhan bui ake ada di tempat ini. Bismillahi Rahmanirahim () "Hanyo Isa anak Maryam hok buleh masuk terus ke syorga sebab dia suci." (Qs. 19 Maryam 19) Bismillahi Rahmanirahim () "Malah Dia hok terkemuka di atas dunio dan juga di akhirat." (Qs. 3 Al-Imran 45)
	Nerako
Tempat siksoan hok paling takut sekali dan juga tempat paling sedih sekali beserta



		dengan kesengsaraan, pakaien, selimut dan jugak tempat tido semuanyo daripado api. Atas palo sampai ke hujung kaki, ada api hok berlapis-lapis. Mano-mano pun penuh dengan api, asap hite, dan juga gelap-gelemak tok nampok gapo pun. Kaadoan jadi panik belako. Mato jadi buto, telingo jadi tuli dan mulut jadi bisu. Sekso sangat-sangat tapi mati pun tok leh, hidup pun tok leh, dok mengerang tok habih-habih, tok sudoh- sudoh, malah kekal selamo-lamonyo. Tiko manusia pertamo, nabi Adam dan juga Siti Hawa, manusia ni teloh di sentoh oleh iblis, lalu jadi dosa, mako semua manusia akan dihukum di dale hukume mereko tu. Bismillahi Rahmanirahim () "Dan tak dok seorang pun di antara kamu, melainkan akan masuk ke dalenyo (nerako) dan hok ni bagi Tuhanmu adalah ketetapan hok sudah dipastikan." (Qs. 19 Maryam 71)
			Jale ke Syorga
		Agama dan juga syariat-syariatnyo hok mano keno ikut dan keno wat sepanjang umur hidup manusia, lagu tu juga manusia juga keno wat hal-hal hok baik beserta beramal soleh, kalu manusia buleh wat seratus peratus perkaro hok disebut tadi, barulah manusia tu buleh naik ke Syorga. Mungkinkah sepanjang hidup kito ni keno jalekan syariat-syariat agama dan juga beramal soleh dengan sempurna? Rajin setaro manokoh kito menjalekan syariat-syariat agama dan juga berapo banyokkoh kito wat amal ibadat agama supaya kito buleh masuk ke Syorga? Adakoh ngukur hok tetap dale menjalekan hal-hal tu supaya kito buleh masuk Syorga? Tak dok! Oleh sebab tak dok alat ngukur hok tetap berapo rajinnyo kito keno wat syariat-syariat agama dan wat amal ibadat supaya kito buleh masuk ke syorga, mako sebab tu lah banyok orghe hok dok dalam keragu-raguan, dok bimbang dan juga dok dale gelisah. Sepanje zaman orghe selarih dok doa ke Tuhan supaya ditunjukkan jale hok keno tempuh supayo manusia ni buleh gi ke Syorga. Bismillahi Rahmanirahim () "Tunjukkanlah kami jale hok lurus." (Qs. 1 al-fatihah 6) Bismillahi Rahmanirahim () "Hai orghe-orghe hok beriman, bertaqwalah kepado Allah dan carilah jale hok buleh mendekatkan diri kepadoNya..." (Qs. 5 Al-Maidah 35)



		Sudahkah kito kenal jale tu?
		TUHAN MAHA PENGASIH LAGI MAHA PENYAYANG (Qs. 1 Al-fatihah 3) Sebab Tuhan tu Maha Pengasih lagi Maha Penyayang mako Tuhan hok dalam Al-quran telah bui jale dan juga petunjuk-petunjuk dengan jelas hok mano keno ikut agar manusia buleh masuk gi ke Syorga. Marikito renung, Al-quranul karim dan juga hadith di bawah ni: PETUNJUK-PETUNJUK AL-QURAN DAN HADITH SUPAYA MANUSIA BULEH GI KE SYORGA. 1. Isa A.S tu jale hok lurus supaya diikuti. () "Dan hok sesungguhnya Isa tu betul royak tentang hari kiamat tu sebab tu janganlah kamu ragu-ragu tentang hari kiamat tu dan ikutlah aku. Inilah jale hok lurus." "Wa innahu la'ilmul lis saa'ati fa laa tamtarunna bihaa waa tabi'uuni haadzaa shiraathum mustaqiim" (Qs. 43 Az-zukhrur 61) 2. Isa A.S tu hok bawa terang supaya ditaati. () " Dan tiko Isa mari bawa terang dia royak sesungguhnya aku mari ni dengan bawa hikmat dan untuk jelaskan padamu hok setengah-setengah yang kamu dok baloh sebabnyo, maka bertakwalah kepada Allah dan taatlah kepadaKu" "Wa lammaa jaa-a 'Isa bil bayyinaati qaala qad ji'tukum bil hikmati wa li ubayina lakum ba'dal ladzii tathtalifuuna fiihi fat taqullaaha wa athii'u" (Qs. 43 Az-Zukhruf 63) 3.Isa A.S royak perkataan hok benar; () "Tu lah Isa anak Maryam; hok royak tentang kebenaran, hok mereka dok baloh-baloh tentang kebenarannyo" "Dzaalika 'isabnu Maryama qaulal haqqil ladzii fiihi yamtaruun".(Qs. 19 Al-Maryam 34) 4.Isa A.S adalah utusan Allah dan FirmanNyo; () "Sesunguhnyo Isa anak Maryam tu, adalah utusan Allah dan FirmanNyo." "Innamal masiihu 'sabnu maryama rasulullaahi wa kalimatuhu".(Qs. 4 An-Nisa' 171).

5.Isa A.S adalah Roh Allah dan KalimatNyo.
()
"Isa sememangnya adalah Roh Allah danFirmanNya."
"Isa faa innahu raahullahu wa kalimatuhu" (Hadith Anas b. Malik m/s 72)

6.Isa A.S adalah satu-satunyo Imam Mahdi
()
"Tak dok imam Mahdi kecuali Isa anak Maryam"
"Laa mahdiyan illa isabnu maryama".(Hadith Ibnu Majah)

7.Isa A.S diberanokkan buke dari bapok manusia tetapi daripada Roh Allah. ()
"Dan (ingatlah), dia menjago kesuciannyo: kami tiupkan ke dalenyo Roh kami,dan kami bui anak tu supayo menjadi tanda kepado semua orang" "Wal latii ahshanat farjahaa fa nafakhnaa fiihaa mir ruuhinaa wa ja'alnaahaa wabnahaa aayatal lil'aalamiin."(qs 21 Al-Aanbiyaa 91)

8.Isa A.S diberanokkan, dimatikan dan dihidupkan kelik;
()
"Dan sejahtero ke atasnyo pada hari dio diberanokkan, pada hari dio dimatikan dan pada hari dio hidup kelik!"
"Was salaamu 'alayya yauma wulidtu wa yauma amuutu wa yauma ub'atsu hayyaa".(Qs 19 Al-Maryam 33)

9. Isa A.S, mati dan keno angkat dan pengikutnyo dok di atas orghe-orghe kapir. ()
"Ingatlah tiko Allah berfirman; "Hai Isa! Aku ake mematikanmu dan mengangkatmu kepadaKu, dan ake sucikanmu dari orghe-orghe kapir; dan menjadikan orghe-orghe hok turutmu dok di atas orghe kapir hingga ke hari kiamat."
"Idz qaalallaahu ya 'iisaa innii mutawaffiika wa raafi'uka ilayya wa muthahhiruka minal ladziina kafaruu ilaa yaumail qiayaamah.." (Qs.3 Al-Imran 55)

10. Isa AS menyembuhkan orghe hok diberanokkan buta;
()
"...dan Aku sembuhkan orghe hok telah dilahirkan buta, dan hok nyakit kusta, serta Aku bangunkan daripada kematian dengan izin Allah..." "...wa ubri-ul akmaha wal abrasha wa ihyil mautaa bi idznillah..."(Qs.3 Al-Imram 49)

11. IsaAS hidupkan orghe mati;
()
" ...Dan tiko Dia hidupkan orghe mati di kubur dengan izinKu..." "...Wa idz tukhrijul mautaa bi-idzni..."(Al-Maidah 110)

12.Isa AS dibui mukjizat dan Roh Suci;
()
"Dan kami bui ke Isa anak Maryam, beberapo tando mukjizat dan juga kami perkuatkan dia dengan Ruhul-Quddus"
"Wa aatainaa 'isabnu maryama bayyinaati wa ayadnaahu bi ruuhil qudusi" (Qs. 2 Al- Baqarah 253)

13. Kapir orghe hok tolak Isa AS.
()
"Sebab kekapiran mereka (terhadap Isa) dan juga tuduhan mereka terhadap Maryam dengan nipu besar (zina)"
"Wa bikufrihim wa qaulihim 'alaa maryama buhtaanan 'adhiimaa" (Qs. 4An-Nisa' 156)

14. Isa AS ake diimani oleh semua ahli kitab
()
"Dan tak dok sore pun ahli kitab hok melainkan ake beriman ke Isa sebelum dia mati, dan pada hari kiamat dia akan menjadi saksi terhadap mereka"
"Wa im minkum ahlil kitaabi illaa layu'minanna bihi wabla mautihi wa yaumal qiyaamati yakuunu 'alaihim syahiidaa" (Qs. 4 An-Nisa'159)

15. Hok tok turut kitab Taurat dan Injil, maka tok ake dipandang beragama; ()
"Royaklah hai ahli-ahli kitab! Kamu tidak ake dipandang beragama sedikit pun, hingga kamu menegakkan ajaran-ajaran kitab Taurat, Injil dan apa hok ake diturunkan oleh Tuhan ke Mu."
"Qul yaa ahlal kitaabi lastum 'alaa syai-in hattaa tuqiimut tauraata wal injiila wa maa unziila ilaikum mir robbikum" (Qs 5 Al-Maidah 68)

16. Kitab Taurat dan Injil adalah akar-umbi ke kitab suci Al-quran. ()
"Dan sesungguhnyo Al-quran tu adalah daripada akar umbinyo Al-kitab, disisi kami adalah tinggi dan penuh hikmat."
"Wa innahu fii ummil kitaabi ladainaa la'aliyyun hakiim" (Qs. 43 Az-Zuhkruf 4)

17. Isa AS ado kuasa sepenuhnyo ke atas dunio dan di akhirat;
()
"Tiko Malaikat dok kata: "Hai Maryam, sesungguhnyo Allah telah mengembirakan kamu denganFirmanNya daripada Dio: namanya ialah Isa Anak Maryam, yang berkuasa di atas dunio dan juga di akhirat, dan merupakan orghe hok dekat dengan Allah"
"Idz qaalatil malaa-ikatu yaa maryaamu innallaaha yubasysyiruki bikalimatim minhusmuhul masiihu 'iisabnu maryama wajiihan fid dunyaa wal aakhirati wa minal muqarrabiin" (Qs. 3 Al-Imran 45)



*Allah SWT jelas dah ke kito:* Isa AS ado kuasa dan terkemuka di atas dunio ni dan juga di akhirat. Isa AS adalah jalan hok lurus. Orghe-orghe hok turut Isa A.S duduk di atas orghe-orghe hok kapir. Jadisapo-sapo hok ikut Isa AS dah tentu ake masuk ke Syorga. Begitu pentingnyo Isa AS hinggakan di tulis sebanyok 97 kali di dale Al-quran. Katalah sore tok menteri ajak kito gi ke istana negara, tentu kito cayo dan sudah tentu kito buleh masuk ke istana negara sebab tok menteri hok ado kuasa di istana negara. Lainlah halnyo kalu hok ajak kito tu hanyolah orghe kerjo pejabat biasa saje hok tak dok gapo pun atas istana tu, tentulah kita rasa kure cayo. Jangan-jangan kito jale jauh nok gi ke istana negara, susah payoh, banyok pulak tu wat tubit belanja, sampai ke pintu masuk, kito pulak tok leh masuk. Serupa tu lah juga kuasa hok dibui ke Isa AS. Sebab Isa AS hok ada kuasa atas Syorga, maka cayolah atas ajakan Isa AS ni. Dah tentu kita ake sampai ke Syorga.
		KAWAN HOK PALING TINGGI
Doa nabi Muhammad SAW sebelum dio wafat ialah: "Ya Tuhan, ampunilah aku, kasihanilah aku dan hubungkanlah aku kepada saeng aku hok paling tinggi."(Hadith Shahih Bukhari 1573) *Lepas tu nabi Muhammad angkat tangannyo dan berkata: "kawan hok paling tinggi". Lepas tu dia wafat dan tangannyo jatuh ke bawah. (Hadith Shahih Bukhari 1574)* Sapokah Dio kawan hok paling tinggi? Menurut nota kaki daripado Hadith Shahih Bukhari; "..malaikat dan para nabi- nabi". Malaikat tok termasuk sebagai kawan hok tertinggi, jadi "kawannya" dah tentulah buke malaikat tetapi nabi. Jadi sapa hok sepatutnyo di antara nabi tu hok dipanggil sebagai: Kawan hok Tertinggi?
	Di antara nabiialah: 1. "Adam Shafiullah" 2. "Nuh Najiyullah" 3. "Ibrahim Khalilullah" 4. "Ismail Dzabiihullah"
			= Adam kesucian Allah = Noh diselamatkan Allah = Ibrahim dikasihi Allah = Ismail dikorbankan Allah



	5. "Musa kalimullah" 6. "Daud Khalifullah"	= Musa difirmankan Allah = Daud dipimpin Allah
			(Maj'mu Syarif)
Sebagaimana hok dio telah bersabda: Bismillahi Rahmanirahim "Aku sangat dekat dengan Isa AS anak Maryam di dunio dan juga di akhirat (Syurga). Semua nabi adalah bersaudara sebab seketurunan, walaupun ibunyo lain-lain tapi agamanyo satu saje. ( "Anaa aulan naasi bi 'iisabni maryama fid dun-yaa wal aakhiraati wal ambiyaau ikhwaatul li 'allatin ummahaatuhum syattaa wa diinuhum waahid.") . (Hadith Shahih Bukhari 1501). "....Isa Anak Maryam adalah hok teragung di dunio dan di akhirat.. ("...Iisabnu maryama wajihan fid dun-yaa wal aakhiraati"). Qs. 3 (Al-Imran 45) .. "Sesungguhnyo Isa AS anak Maryam akan turun di tengah-tengah kamu.Dia akan menjadi hakim hok adil.("wal ladzii nafsii biyadihi layusyikanna ayyanzila fiikumubnu maryama hakaman muqsithan"). (Hadith Shahih Muslim 127) Tak dok Imam Mahdi kecuali Isa anak Maryam. ( "Laa mahdiyan illa 'iisabnu maryama"). (Hadith Ibnu Majah) *"....Isa AS tu*adalah RohNya, utusanNya dan firmanNya...(Hadith Anas bin Malik, m/s 72, dan An-Nisa'171)
Jadi, kawan hoktertinggi adalah Isa AS Anak Maryam. **Dio bersabda: Bismillahi Rahmanirahim** () "...Ikutlah aku, inilah jale hok benar!" "...Wat tabi'unni haadzaa shiraathal mustaqiim"(Qs. 43 Az-Zuhkruf63,641) () "...Dan janganlah kamu menjadi sebagai orghe-orghe hok royak: 'kami dengar padahal dio tok dengar. Sesungguhnyo binate hok paling buruk di sisi Allah adalah orghe-orghe hok pekak dan tuli hok tak tahu gapo pun..." "Wa-laa takono ka-'Alladhena qaalo sami'Naa waa-hum laa yasma'on Inna sya-rad-dawaabi 'indallahish-shum-mul bukmul-ladzina laa ya'qilun" (Qs. 8 Al-anfal 21,22) * Renungkanlah Firman Allah ni sebagai pedoman. * Bertaubatlah, jangan sampai Allah SWT masukkan kito ke dale *golongan orghe-orghe hok jahat hok tak dok akal. Ikulah jale hok lurus hok sudah nyato tu.**



Dale dok hidup dan juga mati ni, kito ake buleh ketenangan hok kekal abadi, jika kito cayo ke tanda-tanda mukjizat dari Allah Taala hok bersangkut dengan kehidupan dan juga kematian. Bismillahi Rahmanirahim () Dalam Surah Al-Imran ayat 55, Allah SWT hok ada kuasa pada hari kehakiman, ambik kelik (nyawo) Isa dan hidupkan dio semula. Allah SWT lepaskan segala da'waan, dan ake bui pahala hok setinggi-tingginyo ke orghe hok beriman kepada pengorbanan Isa AS. Insyaalah, kalu kito masuk ke dale perlindungan dale pengorbanan Isa AS, maka Allah SWT ake lepaskan dan juga ake bangkitkan kito dengan mukjizatnyo ke Syorga beserta dengan Dio. Alhamdulillah Nabi Muhammad SAW tok bersandar pada jihad dio sendiri dan juga menharapkan ake perlindungan Kawan hok Maha Tinggi tiko dio nak wafat. Metelah lah kito, kito juga keno doa lagu tu dale iman kito; * Allahuma (Ya Allah) * Astaghfirullah(Ampunilah dosaku) Aku tolak cara - jale hok lain supaya aku selamat, Aku cayo kepada tandapengorbananMu dale Isa AS supaya diriku selamat di hari akhirat! Aku terima dan ikut jaleMu saje. Inilah jale hok lurus. * Pegelah diriku dengan kemas-kemas bersama dengan kawan hok Maha Tinggi
		Adakah anda duduk dale kuasa hok tok lepas dari kawan hok Maha Tinggi, Isa AS. Pemege- Tangan hok tok lepas dari Allah SWT?
	Supaya Allah SWT menyembuhkan dan juga bui rahmat dengan kuasaNyo dale siratul muataqiim! Wassalamualaikum warahmatullahi wabaratuh

Lagumano kawan hok tertinggi buleh
tolong kito pada hari ni?
Penjelasan tentang kebenaran mukjizat

1. Kawan kito hok paling tinggi tunjuk siratul mustaqiim hok nyato
()
"Kami bui ke Isa anak Maryam beberapa mukjizat dan kami kuatkan dio dengan Ruhul-qudus"
" ..tak dok paksaan dale agama; sesungguhnyo telah jelas jale hok benar daripada jale hok sesat"
"Laa ikraaha feddin qad tabayyana ar-rushd min al-ghay fa-man yakfur bi-at-taaghoti wa-yu'min bi'allaah fa-qad istamsaka bi-al-uurwati al-wuthqaa laa infis aama la.."(Qs. 2 Al-baqarah 253,256)
Mungkin dale agama kito, kito telah turut cara dan juga jale hok telah diajar ke nenek moyang kito lebih daripada hok ikut jale Allah SWT yang penuh mukjizat.
Kito mungkin telah gi jauh daripada pengertian Nabi Muhammad SAW sendiri. Kito perlu mukjizat hok nyato daripada Allah SWT hok telah di bui ke kito untuk nok tuju ke kawan hok tertinggi ni. Mari kito tohout segala hok tak dok dale kitabul- Allah.
Tanda-tanda hok soheh daripada Allah SWT telah buka segalo tipu muslihat iblis. Tanda-tanda itu menunjukkan jale Allah SWT hok sebenarnyo. Kalimatullah, Isa AS buka segalo penipuan dan juga kekosongan adat manusia.
Sapo dio hok tolak cara dan juga petunjuk hok lain tu sebab nok turut tanda kebenaran (mukjizat) Isa AS, mereka ni telah bersiap sedia untuk kematian dan juga untuk hari kiamat. Mereka dah betul-betul yakin dale hati buleh masuk Syorga sebab mereka dah masuk dale kesucian kawan hok yang tertinggi tadi. Mereka ni telah lepas daripada perasaan bersalah sebab mereka tok lagi bergantung kepada petunjuk manusia ataupun kebaikan dan juga perangai manusia hok terbatas ni.
Wahai Al-mukminin, janganlah perendahkan atau dok ragu-ragu pasal tanda-tanda kalimatullah Isa AS,; turutlah tanda-tanda ni, maka anda ake tengok siratul mustaqiim dengan nyato hok ake bawak kito gi ke perjalenan hok teguh dan juga pasti.
Adakah kito tolak cara jale hok lain?
Adakah kito dibimbing oleh firman-firman hok penuh dengan mukjizat hok
telah dibui ke kawan hok maha Tinggi yaitu Allah SWT?

2. Kawan hok Maha Tinggi tolong kito, dan juga tiko ni Dio holor tangan Dio dan pege kita kemas-kemas dale siratul mustaqiim.