Al Siratul Mustaqiim

 

Assalaamu'laikum wa Rahmatulaahi wa Barakaatuh

 

 

Sii ko dii katidawa a tanto a mga sundaro ago so MILF na so mga timbak iran a tanto a matanog na miyakabowing ko oman a iisa totorogun ko gagawii. . Sa masa oto na maito ako pen mga walo ragon a idad aken. So mga lokes aken ago so mga pagari aken a mama ago babai pudon a ginawa ko na pupalagoy kami a psong kami ko kakar. So dii kangagoraok ago kapakisek o mga wata na mipupurungan iran so daleg o timbak. So dii katidawa na sa masa oto na kiyaramigan a  gawii taman ko kapipita. Na sa kiyaipos oto na langon kami na miyawa ko kakar na miyailay aken so miyamatay a wata, babai, mama ko mulilibuta rekami. So pupamamolong a mga sundaro na pumbolongan iran so mga miyanga angul. So mga ped a walay na miyangatotong ago miyangasosogat a panglo. Imanto na sa oras oto a dii katidawa na tanto a pukawan so ginawa ko sabap di aken matatankad o anda ko song amay ka miyatay ako sa oras oto.

 

So Lalan a Ontol

 

So petanggesaan a mga taw sa doniya na maadap iran so mga pembarabarang a mga morala a badi piyamakatekatekaw a kapatay: linog, digrasya na ago so peketalemba a katedawa ko mga taw na di tano den kagaosan so kapatay sabap ko bisa o sinapang. Sabaad ko mga taw na aya ipematay iran na sabap ko pembarangan o paniakit. Seketano na gii mereparado ko kapatay, ogaid na so kapatay na di tano den katawan I kepakaoma niyan ago di tano den keren.

 

Sabagi ko mga taw na gii managontaman a kapakatas o omor iyan gominek siran sigopan, gii siran mabenteng-benteng (exercise), gii mangankanan sa mga pipiya a pangenengken ago paginom sa mga vitamin. Ogaid na di tano mipalaw a so kapataw na ba tano ron beden pekarani.

 

Ped ko mga taw na di ran den kepiker so kapatay. Sii ko oras a daa manga awid-akal ago igira aden a kaoyagan iran badi labaw ron igira a mapia so panaam-taaman iran ko pangenengken, na ago igira a daa samok ko familiya ayapen ari oba den ko pamikeran iran. Ogaid na so kapatay na kanaba ayabo a kabinasaan na so mga lokes odi na so kareregenan: So aki so mga babager a mga taw na ago pen so mga kangodaan na baden peketekaw so kapetay niyan sa da den a toos. So kapatay na madeta-detar tano ron, medatar so mapia a taw ago so mababa.

 

So Allah Subhan Wahuta Allah na kapaar iyan so kapaar iyan so kapekadarpaan iyan rektano ka sorga o di na so naraka, sii ko kokoman iyan. So ngaran iyan na AR'RAHMANIR RAHIM (makalimon ago masalinggagao). So Allah na piyakitokawan iyan reketano so kapananggila ago so iktiyar ko mga oras a kapekaoma o kapatay. So langon o taw makaisaon makasagad so kapatay na ago langon pekadarpa ko alongan a kapengokom ago oman isa reketano na mbegay ron so karatas a misosoraton. So miyapasad iyan sii sa doniya ko katatago iyan pen ko doniya na ago so kiyaokitan aken mambo.

 

Kagiya kamaoto na so Allah Subhan Wahuta Allah na piyangni niyan reketano so kapripardo lalayon sa bapian pen imanto. So taw a makaririparado lalayon sa sekaniyan so taw a pakaokit sangkoto a siratan mustaqiim (tito a lalan) sa kapipiya ginawa a sobo so Allah I makapetiyagaron.

 

Giyangkaya A Doniya Na Di Tatap

 

ANTONAA I MAANA O KAOYAGOYAG

 

 

So doniya na di tatap: Giyankaya a kaoyagoyag ago bapia pen sa doniya na mapeno a tamok ogaid na kedabo ka baden sedep. Ogaid na so kaoyagoyag tano na kalampasan iyan so doniya ka aden a inibegay reketenao o Allah Subhan Wahuta Allah a sobra ko doniya a makapegoyag tano ron sa taman den sa pakataman.

 

Kadakelan ko mga taw na ayakan a di niyan dii kapagentaw sii sangkaya a doniya na sobo so kapipiya ginawa niyan. Oman den gawii, na aya tano dii manggalebek na so kadodoniyai. So kanggalebeka ko kapakala o tamok, na ago so kanggalebeka ko paradiyasan ko doniya a pekabaragat tano ron. Ogaid na kedabo aya sa magaan. Penggeloba tano den so langon a ikapipiya a ginawa tano na sabap ko kiyasobra niyan na kiyalipatan tano so tito a kaoyagoyag tano. So Saitan na ipagetong iyan reketano so kanggelebeka sabenar ko paltik a kapipiya ginawa. Aya kabaya iyan sii reketano na so kangalebeka ko mga dosa kaan tano mambo makapagenged sii ko kanarakaan a mipageda iyan sa taman den sa pakataman.

 

Omanoman, na so pekesagadan tano a karomasayan na pekelampasan iyan pekedawat tano a kapipiya ginawa sii sangkayaa a ditatap a doniya. Piyakalipatan tano den so kakesoy tano ko Allah a kirek ko mga niyawa tano. Tanto den a pekerata so mga ginawa tano sabap ko kiyalipati tano ko tito a maana o kaoyagoyag.

 

Ogaid na so Allah Subhan Wahutallah na inibegay niyan reketano ago lalayon den iyan reketano dii gonanao I kailaya tano ko tito a kapipiya ginawa. So kapetondog tano ko penggonanao niyan na ketoona tano odi na kipaar tano a ginawa tano ko doniya. So kapelalakaw tano ko tito a lalan iyan (siratal mustaqiim) na ketoon tano so kapagentaw a soti sabap ko Allah na ago mapagepeda tano sekaniyan sa kasorgaan sa da den a baon kandosa.

 

Sii so alongan a maori (akirat) na dowa timan a kedarpaan tono ron: Giyoto so sorga ago naraka. Amay ka aya kiyakokoma reketano na sii tano peketaros ko bapia anda sangkaya a dowa timan na giyoto den I ketatarosan tano sa da den a akol bitiyara na roo ka den makapagenged sa taman den sa pakataman.

 

Sabap sa di tano mapetero ago di tano kaantok I kepekaoma o kapatay sii reketano, na imanto so oras a kapemili tano sa katarosan tano sa alongan a maori.

 

Anda I kabayaaka a inged a roo kaon pegentaw sa da den a kaposan iyan?

 

KASORGAAN

 

So kasorgaan na aya a tanto a mapiya a inged a daden a lawan iyan a pagengedan sa taman sa pakataman. So kasorgaan na melelibetaon a kapipiya ginawa. Piyakamemesa a pangingilain ago ipogeno niyan so ipekapiya a ginawa na matatagoon pen so kapamagadata.

 

So mga pamimikiran tano na di niyan a tanto keosay I kapiya o sorga. Miyapayag ko Kitab, so piyaratiyaya niyan so kapipiya ginawa a poon ko Allah Subhan Wahuta Allah na miyapokas siran ko rikon ago so boring a kadostaan. So bantogan ago so da den a ikepos iyan a kapipiya ginawa na rek o Allah Subhan Wahuta Allah a mapekada iyan so rata a ginawa na ago so kapatay sa taman sa pakataman

 

Andamanaya I kakekowaa tano sangkaya a kapipiya a ginawa amay ka seketano na kenaba soti? Sobo sa piyaratiyaya niyan so Allah na aya bo pekasoled ko sorga. Sii ko Quran Alqarim na so Allah Subhan Wahuta Allah na miyapayag iyan reketano a ininombra niyan so Isa Asalayhi Wasalam a wata o Maryam, a soti a pamemegayan iyan sii reketano.

 

Bismillahi Rahmanir Rahiim

(Arabic)

Sekaniyan "SO TOOS A RAKMAT SII REKETANO"

(Qs. 19 Maryam 19,21)

So Allah Subhan Wahuta Allah na ininombra niyan ko Isa (asalayhi wasalam), a pagadatan a soti sii sa doniya ago sa kasorgaan.

 

Bismillahi Rahmanir Rahiim

(Arabic)

"É..So ngaran iyan na so Masih, kiyapayag iyan sii sa doniya ago sii sa alongan a maori"

(Qs 3 Al Imran 45)

 

KANARAKAAN

 

So kanarakaan na piyakawanwan ago piyakarasayasay a inged. So pekabaling sii na tanto den a pekerata a ginawa niyan ago tanto a makapesindet sabap sa so bangkala iyan, pangenengken, igaan na palaya den apoy. So kaporoan o olo niyan ago so kababaan o ai niyan na palaya den apoy. Langon den a darpa na palaya den apoy, a so apoy a maitem. So mata na kebota, so tangila na kebengel, so ngari na keamang sangkaya a inged a kamboko. Sabap sa daden a kapatay na perasayin den sa taman sa taman so katego sii. Da den a tareg ago da den a kadaowa, ka so niyawa tano na  miyadaon so iman ago tabang. So niyawa tano na datar den o miyatay. So rata a gianawa na da den a kaposan iyan: ka so rata a ginawa na taman sa taman.

 

Sabap ko paganay a manosiya. A so nabi Adam. Na so mga manosiya na pekeagak o ibliss. Na dii siran makandosa na kesala ago danegen siran sii ko piyakawanwan a inged.

 

Bismillahi Rahmanir Rahiim

(Arabic)

"Da den a sa kataw bo a baon di pekaokit. Di den ai kepalagoyan angkaya a sogoan o Allah Subhan Whuta Allah.

(Qs. 19 Maryam 71)

 

 

THE SIRATUL MUSTAQIIM

(Lalan a Tito ko Sorga)

 

Katawan tano langon a ayabo a pekaokit sangkoto a lalan a isong ko sorga na sobo so miyaratiyaya ko Allah. Aya mipegomanon, na so miyaratiyaya a aya paparangayan iyan na so kaptomanon niyan ko mga sambayang ago kapangalimo sii ko da niyan pen kapatay na aden a pamemegayanon o Allah sii sa kasorgaan. (Qs.4:162)

 

Ogaid na piratano a matao ko toos a inipayag o Allah Subhan Wahuta Allah sii reketano ko lalan? Opama ka amay ka doa toos a poon ko Allah Subhan Wahuta Allah, andamanaya I kakeilaya tano ko tito a lalan? Opama ka amay ka daa katawi tano ron ko mipayag iyan a toos o Allah Subhan Wahuta Allah, andamanaya I kaperatiyayaa tano ron a seketano na iniroyod tano sekaniyan?

 

Ba aden a takes o antonaa I kiyatangkaan reketano a isoled ko sorga? Ay kawatan o paliogat a kapakatolanged tano a kaperatiyayaa ko bitican o mga baraamal sa ko da tano pen kapakasoled ko sorga? Ba kiyatangkaan a so mga sambayang tano na pekasigurado a mapekasoled tano niyan ko sorga? So mga nisorat o agama a ola-ola na daa sembag iyan sii reketano.

 

Aya benar, na pira I kadakel tano a poporongan iyan so kabaya o Allah a isong ko sorga? Pira I kadakel tano a aden a kapaar iyan, gagao ago makapetolanged a kekowa niyan so limo sii ko da pen tano kapaka-soled ko sorga?

 

Aya mataan, na madakel ko mga taw na mararata a ginawa niyan, alanganin ago matatangan bapia pen dii manambayang ago pamegay sa sadka. Sii ko miyakapipira gatos ragon na so Allah Subhan Wahuta Allah na pengonanao niyan reketano so kapanambayan lalayon sii rekaniyan kaan tano manggonanao ko lalan a sekaniyan den I meriparado ron sii reketano, a mangalilimbabaan ago pepangni sa rela.

 

Bismillahi Rahmanir Rahiim

(Arabic)

 

"Ihdinash shiraatal mustaqiim"

"Ngonanao wa kamingka ko tito a lalan ka"

(Qs. 1 Al-Fatihah 6)

 

Bismillahi Rahmanir Rahiim

(Arabic)

 

"Yaa ayyuhai ladziina aamanut taqullaaha wataghuu ilaihil wasiilataÉ"

"Ilayangka, so miyaratiyaya a sumasarig, ipakelek iyan so Allah ago gii mbabanog ko lalan kaan makarani sii rekaniyanÉ"

(Qs. 5 Al Maaidah 35)

 

BANGKA KATAWI ANGKAYA A LALAN?

 

MAKALIMOON AGO MAKAPEDIIN

(Ar Rahmanir Rahiim)

(Qs. 1 Al Faatihah 3)

 

Sabap sa so Allah na makalimoon ago makapediin na piyakitokawan iyan reketano so mga insarat ago so lalan a tito a isong ko sorga. Paganadan tano so Al-Quran ago so hadith a pagosayin tano sii.

 

SO MGA INSARAT A MIYAPAYAG KO QURAN AGO SO HADITH A OKIT A KAPAKASOLED O MANOSIYA KO SORGA.

 

Bismillahi Rahmanir rahiim

 

1.    Si Isah (Alayhi wasalam) na aya tito a lalan a pagonotan tano.

(Arabic)

 

"Wa innahu la'ilmuslis saa 'ati fa laa tamtarunna bihhaa wattabi'uuni hadzaa siraathal mustaqiim"

"Ago (Isah) sekaniyan so toos (peka-oma) ko oras (Kapengokom) kagiya kamaoto na daa angan makapantay ko (oras) ogaid na tondoga ako niyo: Giyai I tito a lalan.

(Qs. 43 Azukhruf 61)

 

2.    So Isah (asalayhi wasalam) na aawidan iyan so solo a pagonotan tano.

(Arabic)

 

"Wa lamma ja-a 'Isa bil bayyinaati qaala qad jit'tukum bil hikmati wa li ubayina lakum ba'dhal ladzii tathalifuuna fiihi fat taqullaaha wa athii'u"

"Sii den ko kiyapakaoma o Isa a makatoos na pitaro iyan: Imanto na miyakaoma ako rekano a sarta a ngangen, ago kssn iyo kasaboti so bagi a mga (ponto) a di niyo kasabotan, kagiya kamaoto na kalek niyo so Allah Subhan Wahuta Allah ago paratiyaya ako niyo."

(Qs. 43 Az Zukhruf 6-3)

 

3.    So Isah (asalayhi wasalam) na gii niyan giyateroon so benar sa bapia pen kemarataan.

(Arabic)

 

"Dzaalik 'Isabnu Maryama qaulal haqqil ladzii fiihi yamtaruun."

"Sekaniyan so Isa a wata o Maryam (katan) so petaro ko benar, pantag sii ko mga (daa baliniyan) gemoket."

 

4.    So Isa (asalayhi wasalam) na sogo o Allah Subhan Wahuta Allah ago katero iyan.

(Arabic)

 

"Innamal masiihu 'Isabnu maryama Rasullulloahi wa kalimatuhu."

" So Isah (asalayhi wasalam) na wata o maryam a sogo ago katero o Allah Subhan Wahuta Allah."

(Qs. 4 An Nisa 171)

 

5.    So Isah (asalayhi wasalam) na niyawa ago katero o Allah Subhan Wahuta Allah.

 

"Isa faa innahu raahullahu wa kalimatuhu"

" Aya benar na niyawa ago katero o Allah so Isah (asalayhi wasalam)

(Hadiths Annas Bin Malik page 72)

 

6.    So isah (asalayhi wasalam) na sikaniyan bo so Isa Masih.

 

"Laa mahdiyan illa Isabnu Maryam"

"Da den a ba Masih (makapenggonanao) a ruwar ko Isa (asalayhi wasalam).

 

7.    So Isa (asalayhi wasalam) na inimbawata sa kenaba so kamamanosiyai ka so kasosoti I ron a niyawa.

(Arabic)

 

"Wal lath ahshanat farjaa fa nafakhnaa fiihaa mir muhinaa waja'alnaahaa wabnahaa aayatai iil'aalamiin."

"Ago (toos) sekaniyan a babay a gogordiyaan iniginawa tano ko babay so niyawa tano, ago miyapasad den a so babay ago so iyan na toos ko mga taw"

(Qs. 21 Al Aanbiyaa 91)

 

8.    Isah 9asalayhi wasalmam) na inimbawata, miyatay ago minibayao

(Arabic)

 

"Was salaamu 'alayya yauma wulidtu wa yauma amuutu wa yauma ub'atsu hayyan."

" So kapipiya a ginawa ko na sii ko kinimbawataan raken, ago so gawii a kiyapatay aken, ago so gawii a kinibayaw aken a miyaoyag ako bo."

(Qs. 19 Maryam 33)

 

9.    So isah (asalayhi wasalam) na miyatay, biyantog ago so pengongtanon na mipapangkat so daradat iran sa sorga.

(Arabic)

 

" Idz qaalallaahu ya 'iisaa innii mutavvaffiika wa raafi'uka ilayya wa muthahhiruka minal ladziina kafamu, wa-jaa'ilul ladzina atbauka fauqal ladzina kafamu ilaa yaumil qaiyaamahÉ"

" ILAIN! Pitharo o Allah: O Isah! Kuwaan aken seka ago iporo aken ko ginawa ko kaan ka kasabotan (bokog) so siranoto a miyamangoker; pakapegepedaan aken siran ko maporo iyan a da niyan paratiyayaa so Allah su sa alongan a kapangokom."

(Qs. 3 "Aali Imraan 55)

 

10.         So nabi Isa (asalayhi wasalam) na mapekapiya niyan so lepo ago mapakailay niyan so bota

(Arabic)

 

"É wa ubri-ul akmaha wal abrasha wa ihyil mautaa biidznillahÉ"

"Éago piyakapiya  ko so inimbawata a mga bota ago mga lepo, ago kawit aken gagaan so miyatay ko babalingan o AllahÉ"

(Qs. 3 Aali Imraan 49)

 

11. So Isah (asalayhi wasalam) na piyakaoyag so miyatay

(Arabic)

 

"É Wa idz tukhnjul mautaa bi-idzniÉ"

"É ago aya benar! Na kawit aken so miyatay sii ko babalingan akenÉ"

(Qs. Al Maa-idah 110)

 

 12. So Isah (asalayhi wasalam) na bigan sa piyakamemesa ago soti a niyawa.

(Arabic)

 

"wa aatainaa 'Isabnu maryama bayyinaati wa ayadnaahu biruuhil qudusi"

" para ko Isah a wata o maryam a began tano sa toos ago pekabageren o soti a niyawa"

(Qs. 2 Al Baqaarah 253)

 

13.         Mayao a ititiliagad o Allah Subhan Wahuta Allah ko mga taw a inongker iran so Isah (alayhi wasalam) a sogo o Allah.

(Arabic)

 

" Wa bikufrihim wa qaulihim 'alaa maryama buhtaanan 'adhiimaa"

" So siranoto a miyamangonker; piyakitokawan iran den a di siran makaayon ko maryam ka piyakabokag iran."

(Qs. 4 An Nisaa' 156)

 

14.         So mga ndao na sii tano mipanarig sii ko Isah (asalayhi salam).

(Arabic)

 

" Wa im minkum ahlil kitaabi illaa layu'minanna bihi qabla mautihi wa yaumal qiyaamati yakuunu 'alaihim syahiidaa"

" Ago da den a matatago ko kitab a rowar ko kaparatiyaya rekaniyan ko da niyan pen kapatay ago so kakemasai tano ron sii ko alongan a kapangokom."

(Qs. 4 An Nisaa' 159)

 

15.         So siranoto ada iran tarimaa so kitab a so taurat ago so indil na sekaniyan na daa agama niyan odi na kapir.

(Arabic)

 

" Qul yaa ahlal kitaabi lastum 'laa syai-in hattaa tuqiimut tauraata wal injilla wa ma maa unziila ilaikum mir robbikum"

" Pitharo: Sekano a mga taw! Da den a lopa a kalendongan niyo taman sadi makatendeg so kitab: a so Indil ago so mga miyangapapayag a miyakaoma reka a poon ko Allah.

(Qs. 5 Al Maa-idah 68)

 

16. So Isah (alayhi salam) na katero o Allah Subhan Wahuta Allah, miyakaoma ko kapakamamasa o Allah Subhan Wahuta Allah ko miya ngapapayag ko kitab reketano.

(Arabic)

 

" Wa innahu flu ummil kitaabi ladainaa la'aliyyun hakiim"

" Ago kamamaka, giyai so kitab a kamamasaan tano, a maporo (maratabat), a mapepeno a ongangen."

(Qs. 43 Az Zukhruuf 4)

 

17.  So Isah (asalayhi salam) na aden a kapaar ago kabenar iyan sii sa doniya ago sa kasorgaan.

(Arabic)

" Idz qaalatil malaa-ikatu yaa maryaamu innallaaha yubasysyiruki bikalimatim minhusmuhul masiihu 'iisabnu maryama wajiihan fld dunyaa wal aakhirati wa minal muqarrabiin"

" Aya benar! So mga malaikat na phitaro iran; Ya Maryam a bigan o Allah sa kabar a poonon : a aya ngaran iyan na so Isah Masih, a wata o maryam a kirek ko bantogan sa doniya ago so alongan a maori ago so mga marani ron.

(Qs. 3 'Aali Imraan 45)

 

So Allah Subhan Wahuta Allah na bigan iyan so Isah (alayhi salam) sa kapaar ago kabenar sii sa doniya ago so pekatalingoma. So Isah na sekaniyan den so tito a lalan. Piyakitokawan reketano o Al Quran Alqarim na so pangongotan ko Isah na aden a pangkatan sa alongan a maori. So Allah na malaon I kipantag so Isah (asalayhi salam) ka miyaka siyaw-polo ago pito maaloy so ngaran iyan sa Quran.

 

Ibarat tano so sorga sa datar o miyakapiyapiya a inged a palasyo. Opama ka so presidente na bantogan ka niyan ko palasyo. Sabap sa sekaniyan so kikapaar on na da den a pekasangla ka miyapatot ao kapakasoled ka ko palasyo a tanto a mapiya a inged.

 

Opama ka amay ka sa talasogoay niyan a da pen a kapaar sii ko pembarangan a soled o palasyo na bantoan ka niyan a somoled ko palasyo na bantang a mag-alangalang ka; opam, sii ko oriyan o kiya dokawi reka ago miya-osar ka a sokay ago bager, na di ka bes pekasoled sangkoto a palasyo.

 

Sii ko kala iyan I gagaw, na so presidente na datar mambo o Allah, ininombra niyan ko Isah (asalayhi salam), so niyawa ago tooson o manosiya kaan tano niyan mawit sa kasorgaan. So Isah (asalayhi salam) na ayabo a miyakaranirani rekaniyan a pekawit reketano ko limo a poon ko Allah Subhan Wahuta Allah ago malai kapaar. Sabap sa so Isah (asalayhi salam) na sekaniyan so katero iyan na da den a karibatan iyan ago dasden a sala iyan. So katero o Allah na mitataros ago tatagompiya den, miyangagagalebek iyan so mga sogoanon o Allah Subhan Wahuta allah a taros a miyapasad piyapiya. So siranoto a tomiyarima ago piyaratiyaya niyan so tito a lalan na makapegentaw sa mapiya pekasoled sekaniyan ko sorga.

 

 

So den so Allah Subhan Wahuta Allah, miyakalangkap ko Al Quran Alqarim a so Isah (asalayhi salam) na aden a maporo a bantogan iyan sa doniya ago sa sorga. So langon a miyonot ko mgA insorat iyan na aden a pangkatan iyan sii sa sorga. So nabi Mohammad (salalahu alayhi wasalam) na miyakaayon sangkaya a mapiya totol ko Al Quran ago so Al Hadith a poon ko miyangapapayag sii ko kiyapatay niyan.

 

 

 

 

MALA A TARALBI A LAYOK

 

So pangni o nabi tano a Mohammad (salalahu alayhi wasalam) ko kapsarakatal maut iyan: " Yah Allah, rela akongka, limo akongka ago pakasong akongka ko maporo a mala a taralbi a layok."

(Hadiths Shahih Bukari 1573)

 

Mampen na so nabi tano a so Mohammad (salalahu alayhi wasalam) na ibayaw niyan si lima niyan na phitaro iyan:

 

" MALA  A TARALBI A MAPORO A LAYOK "

Na gioto pen a mibaba so lima niyan na miyada mambo so napas iyan.

(Hadiths Shahih Bukari 1574)

 

"ANTAA SO MALA A TARALBI A MAPORO A LAYOK?"

 

Kabasa I shahi Bukari a makalalangag ko mga ped o mga hadith na tig iyan a mapakay a mga maana niyan na mga "Malaikat odi na mga Nabi." Ogaid na so mga malaikat na kenaba siran so "taralbi a maporo a layok." Kagiya kamaoto na so nabi Mohammad na kenalog niyan taralbi a maporo a layok so mga malaikat ka Nabi.

 

Antaa ko mga nabi a mapapatot a kabetoan sa "mala a taralbi a layok?"

 

" Adam Shafiullah " =   Adam (alayhi salam), maontol o Allah Subhan-

                                 Wahuta Allah

" Nuh Najiyullah "   =    Noah (alayhi salam) siyabet o Allah Subhan -

                         Wahuta Allah

" Ibrahim Khalilullah =  Ibrahim (alayhi salam) na pekababayaan o Allah

                         Subhan Wahuta Allah

" Isma'il Dzabihullah =  Ishmaeel (alayhi salam) na kandori o Allah

                          Subhan Wahuta Allah

" Musa Kalimullah "   =  Mosa (alayhi salam) na inibegay o Allah Subhan

                          Wahuta Allah

" Dawud Khalifullah   =  Dawud (alayhi salam) na piyaleo penaleoda o

                           Allah Subhan Wahuta Allah

(Majmu' Syarif)

 

Ogaid na sekaniyan den I metaroon:

Bismillahi Rahmanir Rahiim

 

" Anaa aulan naasi bi 'iisabni maryama fid dun-yaa wal aakhiraati wal ambiyaau ikhwaatul li 'allatin ummahaatuhum syattaa wa diinuhum waahid. "

" Marani ako ko Isah a wata o maryam sii sa doniya ago sa sorga. So langon a sogo na makapundatadatar sabap sa isabo a somiyogo kiran. So peman so mga ina na salakaw ron ogaid na isako a agama.

(Hadiths Shahih Bukhari 1501)

 

Bismillahi Rahmanir Rahiim

" Iisabnu maryam wajihan fid dun-yaa wal aakhiraati "

"É so Isha na wata o Maryam, aden a bantogan iyan sa doniya ago so alongan a maori ago so siramoto a marani ko Allah Subhan Wahuta Allah. "

(Qs. 3 'Aali Imraan 45)

 

Bismillahi Rahmanir Rahiim

" Wal ladzii nafsii biyadihi layusyikanna ayyanzila fiikumubnu maryama hakaman muqsithan "

"Ibet ko Tohan ka so kaogitogit a aroak aken na sii matatago sa tarigan o lima niyan. Aya benar na sii ko oras a kagagawii na so Isah a wata o Maryam na miyaneg a saronsarongan reka. Sekaniyan so pangokom a maontol."

(Hadiths Shahi Muslim 127)

 

Bismillahi Rahmanir Rahiim

" Laa mahdiyan illa iisabnu maryam "

" Da den a Masih a rowar ko Isah a wata o Maryam. "

(Hadiths Ibnu Majah)

 

"É Isa na Niyawa o Allah, ago sogo o Allah, ago katero o AllahÉ"

(Anas bin Malik hal: 72. Qs. 4 An Nisaa' 171)

 

Kagiya kamaoto na da den a "TARALBI A MAPORO A LAYOK" a rowar ko Isah (alayhi salam) a wata o maryam.

 

Giyai I taralbi a maporo a layok na siyogo o Allah kaan makatero,

 

Bismillahi Rahmanir Rahiim

(Arabic)

"É wattabi'unni haadza shiraathal mustaqimÉ"

"É ago paratiyaya ako niyoÉ giyai a tito a lalan."

(Qs. 43 Az Zukruf 63,64)

 

(Arabic)

" Wa-laa takono ka-'Alladhena qaalo sami' Naa waa-hum laa yasma'on Inna sya-rad-dawaabi-bi 'indallahish-shum-mul bukmul-ladzina laa ya'qilun."

"É Mapiya so manga katero iyan, ogaid na miyaneg tano na da tano pamaakenega. So mengetaralo a pangangayamen na aya den a kapekeilayaon o Allah na mga bengel ago amang, so siranoto a somiyakot a daa iran tagoa ko ginawa iran."

(Qs. 8 Al Anfal 21,22)

 

á        Kagiya kamaoto, kapedipedi kanobo na piyapiyai niyo mantang so manga ayat a miyamangisorat sii. Paratiyayaan tano ago tarimaan so mga katero o Allah ka datar o kompas a makapengonanao reka ko tito a lalan.

á       Isendet tano a ginawa tano ko mingagagalebek tano a mga rarata ago mga kalalongan ka di tano ketoon so tito  lalan

á       Idayon tano so kapagokit tano ko matito a lalan a inosay o Allah Subhan Wahuta Allah a mitiyagar iyan reketano.

 

Antonaa I kiyogop reketano o Taralbi a ginawa a maporo sa masa imanto?

 

1.    So kasaboti piyapiya ko toos o pinakataralbi a ginawai a maporo ko lalan a matito.

Bismillahi Rahmanir rahiim

(Arabic)

" laa ikraah fe ad-den qad tabayyana ar-rushd min al-ghayy fa-man yakfur bi-at.-taaghot wa-yu'min bi-'allaah fa-qad istamsaka bi-al-curwah al-wuthqaa laa infis.aam laÉ"

" So Isah, na wata o maryam a miyakabegay reketano ko tito a toos ago mapapadalemon so soti a niyawÉ di tano malet a ginawa ko agama: so benar na pakaoma sekaniyan.

(Qs. 2 Al Baqarah 253, 256)

 

Amay ka so agama tano na aya pagonotan iyan na so mga kepikepit o manosiya a kenaba so mga piyakamemesa a lalan o Allah subhan Wahuta Allah. Na da tano minggolalan so kiyasabotaon o nabi Mohamma (salalahu alayhi wasalam). Kailangan tano so taralbi a ginawai a maporo a inibegay sii reketano a lalan ko Allah Subhan Wahuta Allah. Awaan tano den so mga okitokit a da matoon ko kitab a poon ko Allah.

 

So mga toos na andang den a miyarenayag sii reketano. Piyayag iran so mga lalan ko Allah Subhan Wahuta Allah. Miyapayag den so katero o Isah (alayhi salam) sii ko dapen daa kaadena ko mga kepikepit.

 

So pekalipatan iyan so mga ped a okitokit a pantag ko kaperatiyayaa niyan ko toos o Isah (alayhi salam) na miyakapangongonotan ko hidayat o Allah subhan Wahuta allah. Siranoto na makaririparado ko kapatay. Siran pen na miyatangeked iran so kapakasoled iran ko sorga sabap ko kiyaawa iran ko kepit iran a ribat ka siyarigan iran so taralbi a ginawai a maporo sabap sa kenaba siran somasarig ko rek iran a galebek a mapiya na kepokas siran ko kandosa.

 

Hay mga mu'mineen, tagoon tano sa ginawa ago di tano sorangen so mga toos o katero o Isah (alayhi salam). Paratiyayaan tano kaan tano makaokit ko tito a lalan a isong sa sorga sa makasasarig tano.

 

 

 

Ba tano inawaan so ped a mga okitokit tano?

 

1.    Ba tano miyatoro ko piyakamemesa a katero o taralbi a ginawai a maporo a inibegay reketano a poon ko Allah Subhan wahuta Allah?

2.    So taralbi a ginawai a maporo na mala a tanto a kiyogop iyan reketano a kakisampay tano ko satiman a tito lalan a isoled ko sorga.

 

So Allah Subhan Wahuta Allah na di kailay na inisampay niyan so pinaka taralbi a ginawai a kasasarigan sii sangkaya a doniya kaan iyan magedam so magegedam tano. So Raszul iyan ago so katero iyan a so Isah na miyakaoma sii sa doniya na tanto den a piyakamemesa.

 

Bismillahi Rahmanir Rahiim

(Arabic)

 

"laa ikraah fe ad-den qad tabayyana ar-rushd min al-ghayy fa-man yakfur bi-at.-t.aaghot wa-yu'min bi-'allaah fa-qad istamsaka bi-al-curwah al-wuthqaa laa infis.aam la-haa wa-'allaah samec calem"

"Ébapia antaa denÉ so paratiyaya ko Allah na mapembagian iyan angkoto a mapiya ago sarig a da den a pekalawanon.

(Qs. 2 Al Baqarah 256)

 

 

Giyangkai a ayatul kursi na madakel a mataoron na maliwanag a tanto amay ka ilayin tano piyapiya angkaya ayat a 253, maiipat tano amay ka paratiyayaan tano so mga maliwanag a mga toos a nabi Isah ago so mga nabi.

 

á       Giyangkanan a ipat na poon ko Allah Subhan wahuta Allah a miyakaoma ko botong a sanasanaan iyan. Kagiya sekaniyan so katero a so Isah (alayhi salam) na da den sekaniyan makasogok ko pembarangan a dosa sabap ko kasosoti niyan na gioto I okit a kitoon tano ko lalan ko Allah Subhan Wahuta Allah, sekaniyan so soti, soti a niyawa sa dayonsa dayon. Sabap sa sekaniyan so aktero o Allah na aden a kapaar iyan a poon ko Allah Subhan Wahuta Allah akebolongan iyan so pengasasakit.

á       Sekaniyan so tanto a kasasarigan. Sabap sa miyakaoma sekaniyan a poon ko Al-Haq, na miyapatot a sekaniyan ko tito a benar sangkaya doniya.

á       So ipat iyan reketano na da den a kakebinasa niyan sabap sa andang den sekaniyan a kiyatepengan na ago sii rekaniyan so kapipiya a ginawa bapia pen minitaralo rata a ginawa ko kiyasagadan iyan sangkaya a doniya.

 

Bismillahi Rahmanir Rahiim

(Arabic)

 

" Was salaamu 'alyya yauma wulidtu wa yauma amuutu wa yauma ub'atsu hayyan"

" So kalilintad na sii raken sii ko kinimbawataan raken, ago so kiyapatay aken, ago so alongan a kiyaoyag akenaa9peroman).

(Qs. 19 Maryam, 33)

 

So tanto a sasarigan a sanasanaan na da den a kabinasa niyan

 

Sabap ko kaoyagoyag ago kapatay, na aden a kapipiya a ginawa tano a da den a kaposan iyan amay ka mangembenar tano ko mga toos o Allahu Taala makapantag ko kiyaoyag iyan ago so kiyapatay niyan.

Bismillahi Rahmanir Rahiim

(Arabic)

 

So Surah Al Imran a ayat 55, na so Allah Subhan Wahuta Allah, kirek ko alongan akapengokom, a miyoyag peroman ko Isah, ago inibayaw niyan na miyakasoy rekaniyan bo. So Allah Subhan Wahuta allah tanto niyan a piyakaliwanagan a so Isah na sekaniyan den so toos. So langon a peratiyayaon a kiyakorbana ko Isah (alayhi salam) na kipangkat sekaniyan. Insha Allah na amay ka awaan tano so mga galebek tano a ribat na paratiyayaan tano so kiyakandoria o Isah ko ginawa niyan na so Allah Subhan Wahuta Allaha na piyayag iyan so kapakasoled tano niyan ko sorga a maaped tano sekaniyan.

 

Bapia so nabi Mohammad Mustafa na da niyan sarigi so rek iyan a "jihad" ka aya sarigan iyan na sobo so tanto a taralbi a ginawai a maporo sii ko kakeda iyan sa doniya. Aya pen ari seketano, na sabap sii na tanto den a kailangan sekaniyan paratiyayaan tano sekaniyan.

 

á       "Allahumma, (Yah Allah)

á       Astafirullah (Relai akongka ko mga sala aken) Inawaan aken so mga ribat a galebek aken parabo masabet akongka. Ago siyarigan aken so kiyakorbanan ngka ko Isah (alayhi salam) kaan ako niyan masabet. Tiyarima aken so lalan reka.

á       Ipata kamingka golalan ko taralbi a ginawai a tanto a maporo.

 

Ba tano kabaya a maipat tano o Isa (alayhi salam) a sanasanaan ago sasarigan o Allah Subhan Wahuta Allah ago sekaniyan so daa lawan iyan a mala I gees a maporo a taralbi a ginawai?

 

Pangninta ko Allah a kabolongan ago kabalasan tano niyan na ago masabet tano niyan sii ko Siratul Mustaqiim!